La Trueita

Qué ? Que crompas enqüèra lo ton peish surgelat au centre comerciau ?
Jo que sèi ua recèpta aisida e hèra bona a preparar.
Tà començar, que’t cau ua cana de pescar e un arriu.
Que’t cau estar pacient e demorar quauques temps au sorelh. Après aver gahat lo mei gran deus peish deu monde, que pòdes començar la toa preparacion.
Tà acompanhar lo ton peish, pensa a har… la mei bona sauça biarnesa que sia !
Tas aquò, que’t cau : 2 escalonhas, 2 culheras a sopa de vinagre de vin blanc, 2 culheras a sopa de vin blanc, 2 jaunes d’ueus,125g de burre, 1 culhera a sopa de peirassilh talhucat, hornir sau e péber. Mesclar las escalonhas, lo vinagre e lo vin dens ua coquèla. Har-les borrir. Tirar las escalonhas puish hornir los jaunes d’ueus. Har còser en tot hornir lo burre dinc a aver ua bona sauça. Tà acabar, ajustar las èrbas dab sau e péber.
En seguir, har còser lo peish pendent 4 minutas de cada costat.
Barrejar la sauça biarnesa suu peish.
Adara, que pòdes minjar dab tota la toa familha ! Acompanhat d’un bon veire de Jurançon, solide !

Bona hami !